我突然記起個外國笑話, 改編左俾港女用都幾岩

話說有日香港d 男人全部結晒婚, 剩低一大班港女做老姑婆, 咁班港女照樣冇野好做行街, 行到一間百貨公司見到個廣告 : 「本公司推廣港男老公大優惠, 老公質素為你精心細分, 越高層質素越高!」

咁有個港女見咁既正野, 梗係好高興咁衝入百貨公司大堂既升降機, 升降機個 LCD 就話:「請先到一樓參觀」。

到左一樓, 就見到d 大肚臍既港男文員排晒係度, 樓底高高掛住條 banner 話: 「本層港男有穩定職業」。個港女見到心諗:「車, 咁有乜巴閉, 分分鐘佢賺埋都唔夠每個月買個 LV 送俾我」, 咁於是乎佢就同升降機講要郎到最頂, 但個 LCD 就話要先參觀二樓, 隨即亮著二字。

電梯到左二樓, 同一樓一樣有條大 banner 寫住「本層港男有穩定職業, 還喜歡小孩」, 港女睇都唔睇就好唔耐煩咁講:「痴線, 咪嘥我時間, 下一層」。

到三樓, banner 寫住「本層港男有穩定職業, 喜歡小孩, 更靚仔」, 個港女掃左一眼之後, 就同個電梯女郎講:「超, 追我既男人由奧海城排到堅尼地城, 個個都有咁上下靚仔, 下層!」。

到四樓, banner 今次寫住「本層港男有穩定職業, 喜歡小孩, 靚仔, 還會做家務」, 個港女見到就話:「唉, 有錢就請個菲傭啦, 要佢黎做家務做乜, 下層!」。

五樓, 嚇左個港女一跳, 竟然見到一大班港女坐晒係度等運到, 突然佢感覺背後有人推佢出升降機, 身後既門亦隨即關上, 當佢回頭看究竟時, 見關上的升降大字兩行:「貪得無厭,在此等一世吧。」