香港版第一集講葡萄酒同西班牙既興起, 由狄娜主持, 佢果然夠敢言兼有深度, 連中共建國初期將大片土地割俾蘇聯都隱喻咁講出黎, 同佢一開頭話o個班忽然愛國既人前後呼應。佢又批評鬥牛o個班人做儒夫, 大快人心!

睇完依套野, 有好多人唔明白, 睇地圖葡萄牙咁細, 西班牙咁強大, 邊界長長無險可守, 點解西班牙咁耐以黎都冇吞左葡萄牙。中世紀初期西班牙未統一, 而且大家既期同敵人係南面, 所以冇力吞, 中期呢, 統一左, 但葡萄牙就同西班牙友好姻親, 殖民地又畫好界, 大家都忙於對外擴張, 唔得閒打。後期葡萄牙有英國佬撐腰, 唔打得。而咁多個時期西班牙都要考慮一個因表, 就係教皇, 就咁吞左葡萄牙而冇教皇承認, 分分鐘各國聯軍係教皇號召之下攻打, 所以好唔著數。所以西班牙曾經經絪婚成功繼承左葡萄牙, 可惜不久又反亂。

對依一套野唯一既批評, 就係有關兩國衰落既原因。
可能原本版都係咁,又或者主持想影射香港d 人只顧股票同地產, 所以歸咎兩國雖然係殖民地獲得鉅大利益, 卻只顧征戰而未有對國內作長遠投資。
不過我個人認為依個絕對唔係依兩國衰落既原因, 實際上兩國係經濟起飛既同時, 政治體制依然原地踏步地維持封建世襲,
貪污成風, 就算你幾多個雍正整頓厲治都係冇用, 仲諗乜野國民教育開發投資。
結果, 俾後來既荷英法趕上。