好多香港人對曾蔭權認識唔深, 有d 仲因為認識唔深既神秘感而神化左佢。其實曾蔭權係一個極度小氣既人,相比起老矇懂俾人窒o個種谷紅塊面, 最後都能夠開懷, 曾蔭權o個種黑面再加上記仇, 實在恐怖得多。
尋日係個扮親民學生答’問’大會上, 曾蔭權就借機會話立法會:「你地d問題真係一針見血、幾清晰，唔係好似立法會議員咁！」。對d 以為立法會剩係識嘈既巿民, 就會以為係喎,但諗深一層,曾蔭權以一個特首既身份黎講d 咁既野,基本上顯示佢既 IQ 屬於 Bush 既層次。
曾蔭權個學生答’問’大會, 一來冇乜學生想問, 二來d 問題都係預先安排, 咁梗係合你心水地一針見血, 幾清晰, 而唔係你平時係立法會唔敢面對既提問, 就算要答, 都要想盡辦法去迴避。所以唔好將負責推晒落重複又重複既’沉悶’問題吧, 自己都要負返負任, 俾人窒過下就要搵機會對住班兒童要功, 小家得黎仲好白痴, 仲要自己以為好威, 可能曾蔭權谷住谷住想搵依個機會好耐, 唉, 估唔到要係d 咁既場合。