尋晚係上環大家樂食飯, 見到5 名自由行女子, 其中一個應該係水魚, 另外4個好明顯係傳銷, 大家一唱一和, 又話機不可失, 你都唔想湊足一世細路, 依個係大好機會一定要介紹朋友, 要半年之內發圍, 對得細路多同外界脫節, 而依個機會幫你走出依個框框, 半年後就冇機會。
依4名女子笑面迎人, 雖然相貎衣著都係比較土氣, 加上箱箱行李, 但係佢地接受過地獄式既傳銷訓練, 坐姿都略有儀態, 唔會打開對脾, 或者好似港女講野時雙手亂飛, 隻水魚亦受氣氛感染, 聆聽時回以笑臉, 雙手亦疊起腰間, 坐得畢直, 令大家樂既格調突然高起黎, 差d 以為我自己去左酒店餐廳, 哈哈!
其實香港傳銷呃大陸人都唔係乜野新鮮事, 不過以前都未親眼目睹, 而且今次仲係自由行自己主理, 依d 遲早成為香港特式。