老矇董落左台之後都係矇下矇下, 曾蔭權依個超級校董派張博士膠紙佢又去拎, 好多泛民人會暗罵人大釋法先行者, 竟然咁攪錯可以拎法學榮譽博士。結果台下有台下既示威, 台上有台上既矇矇下拎膠紙, 仲要懶有特首風範咁話台下會同巿民慢慢傾, 而習慣黑面既曾蔭權竟然係鏡頭面前流露會心微笑。

實際上, 曾蔭權係依件事既大贏家。大眾焦點都集中當年老矇董點矇, 又或者話中大生點唔識大體, 不過大家心中都同時喚起老矇董時代d 衰野, 相比起曾蔭權治下經濟復甦, 差天拱地。若果依個世界冇尺度高, 要話一個人好高係好難, 除非側邊企個矮人, 曾蔭權依招正係有咁既效果, 正正係三十六計中既借屍還魂。

如果老矇董仲有些少智慧, 佢唔會戇居到係台上講母語教學(結果間間學校爭做英中, 唔係既話就要被逼用母語教學)、 經濟轉營(數碼港轉左做澤佳地產港)、 落實一國兩制(有得唔落實架咩?)等"豐高偉績"。

曾蔭權試做過老矇董同陳太既下屬, 所以點解老矇董要佢做掃街大隊長都冇所謂, 但係諗起陳太就腳都軟埋, 唔係冇原因既。

如果要搵人同美國總統小布殊鬥 IQ 低既話, 真係非老矇董莫屬。諗深一層如果唔係香港仲有代議政制同老矇董仲有班擦鞋仔抗衡, 香港真係可以俾佢地敗晒去, 所以好好珍惜僅有既民主自由吧。