明報即時新聞:

全國人民代表大會常務委員會通過，2017年行政長官選舉可以實行由普選產生

大陸乜野都有假, 連普選都可能有, 雖然大陸通過左2017可以普選行政長官, 而且通過既條文依據大陸政治既一貫作風, 含糊不清, 所以伏線可以好多, 而 2012年特首同三分之二既立法會都唔係為巿民服務, 會唔會通過附合巿民意願既普選都成門題。

首先選委會仲存唔存在依個問題, 完全冇提及過, 不過應該唔會同董建華既八萬五同埋曾蔭權既積極不干預一樣, 唔提就即係唔存在。

選委會得 800 個拎中央政治綜援既特權人仕, 到時為左平衡依班人(小眾特權人仕)同一般巿民(絕大多數既香港人)既利益, 佢地依然會存在黎操控特首普選。點樣操控? 因為參選特首係要有選委會入面一定數目既人提名, 即係要參選特首既話, 就要先同依班政治綜援人示打招呼, 要取得依班人既同意(即係擦鞋甚至走後門), 先至可以參選, 完全反映中國內地政治國情!

而選委會成員亦因為完全由中央委任, 所以中央可以操制成員既組成, 要成為選委會成員基本上操作都係體現國情, 都係擦鞋走後門。所以到時有幾個特首俾大家選, 問題係依班人都係擦鞋走後門先可以參選, 選出之後仲要俾回佣依班政治綜援人仕, 問你點選。

結果到時可能只係得曾德成同曾鈺成, 到時全港巿民投邊個一票好, 咁你仲敢唔敢話依個普選係真。