如果你有三隻 harddisk 行 RAID, 好多人會直覺 set 做 RAID 5, 因為假設每隻 harddisk 100GB, 咁你就有 200GB 用。不過我有時會建議返d 人行 RAID 1 (mirror) + spare disk, read 同 write performance 快過 RAID 5之外, 最重要既係資料安全性。
我見過唔少 server 行 RAID 5 死左一隻 harddisk 之後, 唔知道又或者遲換隻死 harddisk, 然後死埋另一隻 harddisk, 結果成組 RAID 死晒。亦有唔少人買 harddisk 買埋同一間廠同一個 batch 黎起 RAID, 同時死兩隻既機會又增加左。
所以如果 harrdisk 空間唔係咁緊張既話, 行 RAID 1, 然後有剩既 harddisk 用黎做 spare, 當其中一隻 harddisk 死左, 而你個 setting 又岩既話, 隻 spare 就即刻發揮作用, 而你係換既期間又有另一隻係度頂住。
當然, 如果 harddisk 越多, 行 RAID 5 + spare disk 既成本比起 RAID 1 + spare disk 會越黎越平。若果你想有 1,000GB, 行 RAID 5 只要11隻就夠, 再加埋 spare disk 都係 12隻, 而 RAID 1 + spare disk 就要 20隻。 但 harddisk 越多, 當一隻 harddisk 死左之後, 發生再死一隻既 harddisk 既機會相對 越大, 咁 spare disk 既存在就越重要!可以想像你有16隻harddisk 行緊 RAID 5, 其中一隻死了, 剩返個 15 隻是但一隻死大你都大鑊。
RAID6?
RAID 6 提供加倍 parity, 而且減少左 spare disk rebuild 個 RAID 5 期間再死多隻就 game over既危險期, 理論上好過 spare disk, 不過唔係咁多 RAID card 支援, 如果張卡支援而安全性又係重要既話, 最好用佢, 但係今次個標題係有三隻 harddisk 行 RAID, 兩隻做 parity, 一隻做 data, 又似乎有d 過份, 定期 shadow copy 過去仲好吧。
安全心得
講開遲換死 harddisk 而死 RAID, 其實我估好多都係借口, 嘿嘿, 平時係 data center 經過某幾隻櫃都聽到入面d 機 beep 住叫救命, 當中可能有 d 係死左隻 harddisk 而個 admin 一直都唔知。所以 set 完 RAID 一定要做測試, 同埋必需設定適當既通報方式, 例如你台 server 係 data center, 如果係 Linux server 可以幾年都唔探佢都得, 咁你張 RAID card 有 beep 都冇用, 一定要 set email 黎通知。另外On board RAID 係冇 beep, 有d 人唔知或者醒唔起, 結果死晒d harrdisk 先知。又有 d 行 software RAID, 但係又冇 set 返岩個 email address, 例如將 root 既 email forward 返俾自己, 結果又係死晒先知。
總之d harddisk 死晒先知既原因係千奇百怪, 但肯定係裝個 system 時諗得唔夠周密同冇演習, 所以 IT 點解我覺得係半專業, 唉, 就係有d 人根本唔會花時間去計畫同認真諗野。