原本我幫間公司做網站編程, 主要係負責做個網上商店, 結果起左半個 Enterprise Resources Planning
(ERP) 出黎。 ERP 中文我會譯做企業資源企劃, 聽落好似一個高深莫測既名稱, 實際好多中小企每日都要作出好多企劃,
包物流貨存、財務、客戶、人力資源, 而 ERP令資訊順利流通到各決策部門, 作出科學化既分析以輔助決策, 減少公司因為溝通缺失等等人為錯誤而導致損失, 管理層就可以有後盾專注拓展業務。

事緣係公司網站庫存經常與實際倉存有出入。 當我未加入間公司前, 原有負責管理網站既團隊曾經資詢我對依個問題既意見, 我覺得從技術層面佢地冇做錯任何野, 庫存依d 野小學生加減乘除都可以解決, 佢地提出類似 race condition 又邊會發生得咁頻密, 所以可以排除技術上既因素, 咁剩低既就係人為因素。

結果機緣之下加入左間公司, 打滾左一段時間, 發現我當初既推論正確, 並且鎖定幾個主要問題。 第一, 公司系統缺乏整合 (integration), 剩係庫存已經有三個資料庫 (database)。 網上商店同另外兩個資料庫完全分離係情有可原, 但係重要環節上就冇同其他資料庫交換資料, 再加上人事溝通同埋資料庫缺乏管理既問題, 結果少少既錯誤可以不斷擴散。

待續