每日公司d 同事都會煩惱去邊度食乜食物, 去 Openrice 度搵乜野自助餐乜野法國菜, 仲要話邊度好邊間係 Openrice top 幾, 仲好過海逸乜乜物物, 然後打電話訂位訂菜, 又話人地講埋法文菜名。之但係佢地仲唔會咁易滿足, 通常都會打多幾間, 原因係佢地都仲未決定到去邊間食, 所以會係個位度問決定食邊間未呀, confirm 邊間呀, 由朝到晚都係咁, 真係忙。
唉, 相隔兩個 partition 既我只係食緊十蚊碗麵, 好明顯其他同事高人工過我好多, 真係勁煩。如果我有錢既話就會好多選擇, 奈何我依d 低級員工邊會有, orz。
講開北角碼頭既十蚊碗麵, 早輪曾經加價到十一蚊, 唔知點解而家又減返價到十蚊。唔理咁多, 鬼叫你窮, 荷包先決。