唉, 大約六點五十分左右, 新世界成個 Data Center 停電, 結果我台 server 同香港幾個大型網站一齊死晒, 受影響既包括兒童討論區 uwants.com, 成人討論區 141hongkong.com (sex141.com 既附屬討論區), 百幾隻櫃, 幾千隻 server, 數之不盡狗公用黎呃細路女既討論區死晒。

最奇怪既係, 個 data center 係有後備電源, 理論上如果跳電又或者俾人掘斷條電纜, 理論上都可以頂十幾分鐘。

而我台 server 暫時未有 hardware 因斷電而受到影響, data integrity 方面亦未有問題。之不過5百幾日冇 restart 既紀錄就俾佢 reset 左, 真係…

最抵死係我諗住就黎搬去第二間 data center, 新 server 既機殼尋日先落訂, 當日就即係死 data center, 真吹脹。其實今年佢地都唔止死一次, 不過今次死停電真係幾威。

結果佢地凌晨恢復, 由於上次換牛冇裝返隻自製既 dongle 上去, 所以今朝六點趕去 data center… 唉!

以下係某苦主既致歉信,

致尊貴的xxx商戶 :

星期三(2008年4月16日)下午6時30分系統出現故障之事宜，我們對是次事件深感抱歉。

此事件是由於數據中心的電源出現突發短路，網絡系統連接出現故障以致其他系統設備受到影響。事後立即與系統供應商聯絡並採取行動，於同日即2008年4月16日晚上11時修正此事件。

事後我們巳向系統供應商作出嚴重投訴，要求他們盡快交代事件，以及具體的有效方案以防止同類事件再次發生。

我們謹對此事件深感歉意。如有任何查詢，請致電 +(852) xxxx xxxx與我們聯絡。

此致，