就黎搬 server, 可能要剷走佢個 blog, 所以黎係度做紀念吧。
2006年2月
賤人公司~~~小心俾人呃呀!!!!!!!
第一步曲:被騙入局
本人在2006年02月係勞工署既互動就業網中,睇到一份係葵涌的平面設計師的工作(集x出版社),係我見工既時候,呢間公司叫我填左一份履歷表,係最後既一欄標明工作未滿七天沒有工資,我不以為意便填寫表 ,最後呢間公司請左我,佢地同我講係唔需要開OT同$7000月薪,我返左四日工都相安無事,我每一日都準時返工放工,就係第四日,老細叫我做一個封面, 我按照佢既意思,做左一個封面俾佢,個老細仲同我講話我畫d六合彩波幾靚,我心想呢間公司都幾好唔駛開OT,老細個人又唔錯…..
第二步曲:反面唔認人
就當我滿心歡喜返到屋企既時候,我收到呢間公司既電話,內容係咁既:
x小姐:唔該xxx丫???
我:係係
x小姐:我係集x出版社打黎架,其實想同 講 既作品唔係好岩我地公司,所以 聽日開始唔駛返工啦,咁而家我地計返$460俾 , 俾個a/c我啦
我:………..,好,我俾個a/c , 寫低xxxxxxxxxxx
x小姐:好既,我地6號就會入返$460俾 架啦
果時我真係火到黎埋,又話我畫得d野幾好,而家又話我d野唔得,玩野咩,係火光過後,我細心回想點解我返左四日工,但係得$460呢???我即刻拿計數機按按,一按之下發現自己的薪金起碼都一定有1000以上,點解間公司會話我得$460架呢???心想聽日都係打電話俾佢問問
第三步曲:漸露凶光
到左第二日,就係我想打俾間公司之前,間公司既會計就打俾我,話入左$460俾我,我即刻問佢點解我得$460,我應該有$1000以上,佢話為我既作品達唔到佢地既要求,所以我得$460,我已經想講&＊#&＊&$#&@,我保時冷靜問佢就算我既作品唔到地既要求,但係我有返工, 都要俾返足 既薪金俾我,個會計就叫我一個鐘之後再打俾佢,一個鐘過後,我再打俾佢,個鈴聲已經出賣左佢地啦,個鈴聲係古天樂黎既,內容大概係話唔好再打黎, 好煩,唔好再黎騷擾,聽到既時候我已經知道發生咩事,我想應該呢d事已經唔係發生係我一個人身上,佢地應該用同樣既手法對待過好多人,已經準備所有既野黎對付我呢d人,聽左古天樂既聲音一陣,有人聽啦
第四步曲:原形畢露
聽電話既一個女仔,勁冇禮貌,勁串,我問佢點解我返左四日工,都係得$460,佢話為佢公司唔滿意我既作品,所以唔會俾薪金我,呢$460只係車馬費,我話 地唔可以咁架喎,我又冇遲到早退,返足四日工, 就應該俾返足四日人工俾我啦,佢就話:” 而家有兩條路揀,一係就硬食四百幾,一係咪去勞工署告我地囉!!”,之後我又同個女仔講:” 地唔滿意我咪炒我囉,但係都要俾返足錢我架喎!我見工時話$7000一個月我先做架喎”,個女仔就話:”我地公司係唔覺得 值九百幾囉,只係覺得值四百幾咋喎”,最後個女仔仲係電話裡面咆哮,係度話我阻佢時間,又話我痴線,最後cut左我線
第五步曲:高潮一浪接一浪
第二日我首先打左去勞工署問如果我填左一份履歷表,係最後既一欄標明工作未滿七天沒有工資,咁我係唔係會冇工資架呢,勞工署既職員同我講,就算我簽左一份咁既約都好,法律都係無效架,一樣可以得到應得既工資,所以我再打電話去,個老細覆返我電話,佢連打黎都要係按133,我問佢點解只係俾四百幾我,佢話我之前幫佢填左一份履歷表,係最後既一欄標明工作未滿七天沒有工資,所以會冇工資,仲話佢地已經諮詢過律師,佢話冇問題,如果我覺得不滿既話,可以去勞工署告佢,叫勞工署同佢講,個老細又話,見過好多個好似我咁既人(咁咪即係好多人都試過有過咁既遭遇???),好多人都好似咁,鄭中基唱歌(?!)–無賴!!!,唔俾足錢人地,仲話人地無賴,咁做老細都得既???
終曲:最後一步
既然呢間公司都唔俾返錢我,我唯有照佢地既意思,去勞工署告佢地,而家等緊同呢間公司開和解會,點解要迫我走到呢一步呢,簡直係浪費大家既時間,金錢,我真係唔明點解連少少錢都要呃呢,人地黎做野都係想賺錢, 連人地應該有既都要剝削埋, 估個個幾億身家黎返工架咩,大家都係打工仔,現實d講幾百蚊都想要返,就算唔講錢,幾百蚊都要呃,咁學咩人開公司呢???
係呢度小妹真係好想提醒大家,就算我簽左一份話 七日冇錢既約都好,法律都係無效架,一樣可以得到應得既工資,公司所定下既呢d條例,法律係唔承認架!!!!!,所以希望所有打工仔都唔好有我呢d坎坷既遭遇,而做老闆既,希望都唔好效法呢種手法去經營,每個人所賺既錢都係有血有汗架,人地應得既,咪俾人地囉,做咩要按著良心做人呢????大家睇左呢篇文 之後,希望唔會有人再上呢問公司(集x出版社)的當啦!!!!!!
作者 Annie 時間 19:17 | 迴響 (3) | 引用 (0)
XXX
XXX公司正仆街
呢個社會真係存在不小黑陰地帶，我試過搵過ｄ好好既公司，
又試過搵過ｄ大鍋既公司，
唔．．．而家為有當係一種經驗ｌｏ，
呢個世界好多呢類人於 2006-03-14 20:04次次都找到這樣的工作是否 當黑呢!?
比一百幾十過我幫 改運啦
之後找到工作(最好在我左近啦)再找我吃飯喎於 2006-03-15 16:35
好多謝 發表此文 給予他人警惕之心~~^^”
而且寫得唔錯呢~~有追看性啊~~哈哈~~