一本大便某細小的角落:
“竟然有人特登寫外掛搵錢, 證明隻game超受歡迎. 結果搞到設計程式班人要發聲明, 警告大家一用外掛就會被停止帳號!”, 主要 screen capture 左我 “Facebook 古惑仔 Online 寫左自動做任務同存錢機” 篇野。
傻啦, 外掛邊度禁得到, 尤其是 web-based game。 況且好多外國 web-based game 有成上百隻唔同既外掛任君選擇, 功能同完整性都比起我既優良得多, 只係香港d 記者小見多怪吧。 而且隻 game 並無指明禁外掛止, 似乎係針對惡意攻擊同埋本身既bug 有關, 唔信睇返當時隻 game 既聲明:
各位「古惑仔Online」的玩家，對於之前伺服器於繁忙時間不勝負荷的情況，我們已作出相應改善。現在，系統已能應負繁忙時間的流量。對於少部份因為上次資料出錯而無故出現負錢情況的玩家，可以在我的古惑仔內重設現金。
期間，我們發現少部份玩家嚐試惡意破壞系統。對於嚐試惡意破壞系統的玩家，我們將會停止該玩家在「古惑仔Online」的帳號。請各位玩家自重。
我平時寫既 web-based 外掛並唔係用 javascript over greasemonkey, 而係用 C#, 用 greasemonkey 理論上係有可能 detect 得到 (實際上未試過), 但係用 C# 黎寫就基本上冇可能, 因為可以完全模擬一個真人, 而 greasemonkey 就會有 javascript 插入。
況且我寫既外掛並唔係玩 game 咁簡單, 我寫既主要用黎突破圖像驗証, 實行全自動化瀏覽, 而且強就強在部份認字 algorithm 都自己 develop 埋, 哈哈!
而且我個外掛只算係幫人去玩, 唔同其他外掛咁幫人去 cheat。 停人用外掛, 不如搞好d bug 唔好俾人 cheat 好過。
