睇左唔少電視台及報紙既經濟大事回顧, 發覺水平好參次。
首先講金融海嘯, 好多傳媒都係集中講八九月爆發, 實際上係唔係真係如佢地所講咁’爆發’ 法呢。 回顧兩房喺零七年十二月引發, 記得索羅斯本新書都係三四月出都己經能夠講述兩房爆煲始末、連鎖影響同埋政府救巿。 所以將爆發日子講成八九月, 只係反映傳媒對金融海嘯既認知只係到恆指程度。又或者依d書既中譯本在八九月才出現在書局吧。
第二就是巿盈率, 不斷推波助欄話 08 年 P/E偏低, 好似蓄勢上升, 但明眼人都只08年季尾各行各業盈利大倒退, 到時巿盈大幅推高的話… 哈哈。 或者阿 Q一點, 股價低時就考慮巿盈吸引, 公報業績時就不考慮。 還要強調大藍既 P/E 很抵, 如果 P/E 真係咁重要, 咁唔該估下業績會倒退幾多先好講抵唔抵啦。
第三講七八月會復甦, 各國政府全力救巿, 咁好多所謂既分析人仕就話效果會喺七八月反映出黎。 問題係金融海嘯年初各國政府都不斷救巿救銀行, 結果之前提及既’爆發’時點解會唔見效? 好明顯都係過份樂觀。
如果真係要回顧 08年然後展望 09, 建議對照一下日本經濟泡沫爆破黎得更有意思, 因為太多相似之處。