係一隻管理球隊既電腦遊戲, 唔似 winning 咁, 你只可以買下人運用下戰術咁, 聽落都幾悶。

我玩由最低層 BSS 玩起, 即係等同香港既甲乙丙丁戊組之後既己組…香港邊有低得咁緊要… 隊名就改左做 Shaolin Football Club, 即係少林足球。

話說第一季打得好, 首名升左上戊組, 差唔多季尾時我隊波係 BSP 負碌十二碼攪掂榜首隊強隊, 結果強隊個教練發老脾叫隊中個老野中場 (30歲 都唔係好老, 我隊窮人球隊有兩個 40歲…) 收皮做教練, 我見勢就火上加油又話 admire 佢又想買佢, 攪到佢個中場冇心機踢。 結果隊強隊由季中差唔多不敗到而家係咁輸, 哈哈哈。

而家我隊波開始專業, 不過財政壓力係一個好大既問題。 個人就梗係想隊波升班, 但如果升班我就冇咁既財力去維持夠質素既球員去踢, 分分鐘升左班之後係咁輸。而家仲有7場就完第二季, 搞破壞之後同首名積分相差收窄到4分, 而家諗緊留唔留返第二位打季後賽放下水算…

更新

由於榜首太癈, 所以我不情願之下竟然最尾一場打和都可以拎聯賽杯。 而家升到去 L2, 見好多 free transfer 都好抵買, 但係 fans 太少計過條數人工唔夠俾, 都係唔買…