近排擔心對眼有事, 所以見到乜野都好敏感。 而家天氣好, 多左望上天, 見到好多好細粒既點快速咁遊黎遊去, 於是就越黎越留意, 後黎發覺對住強光都會見到!
於是乎上網搵搵, 原來唔少人都見到d咁既, 特別係望上天。 有d 人話係太空射線射落地球所以見到, 有d 就話係空氣帶靜電既微粒, 有d 更加神怪。 原來依d 係叫 Blue field entoptic phenomenon, 因為視網膜本身有微絲血管, 入面既紅血球比較吸藍光, 所以係比較暗, 而且腦部亦都會自動調節當冇一回事。 之但係有時有白血球流經血管, 因為白血球唔吸藍光, 所以會有d 點別光既點點遊黎遊去。
至於我見咁多一點點, 係唔係代表我白血球過多, 咁就不得而知了。