十八世紀初我用法軍對 sunny_lee08 既英軍。 我八門輕砲, 兩隊騎兵, 千幾個重步兵, 對方就十二門重砲, 兩隊騎兵, 唔夠一千人既輕重步兵。

佢布陣喺山脊入面既樹林, 除左重砲外只係見到佢少量既主力, 相信其他部隊埋伏左喺左右兩邊既樹林入面。佢重砲火力佔優, 加上我補給困難難以打持久戰 (趕住去訓), 所以採取主動攻上去, 以輕砲先行去敵方兩翼佈陣, 特別係集中左翼, 有5隊步兵跟隨, 沿住樹林推進希望冇咁易被察覺, 其餘4隊步兵就向中央挺進。

不出所料, 由於右翼既砲兵冇乜保護, 引起對方既興趣。 同時左翼喺樹林同對方既埋伏發生遭遇戰, 因為我預計對方有此一著所以好快發揮兵力優勢而將對方包圍。中央步兵就係對方猛烈既炮火之下推進, 亦都開始進入戰鬥。

樹林入面埋伏既輕兵步好快就喺法軍強大既火力下被擊潰

結果我右翼既砲兵冇晒, 中央除左同對方正面交鋒外仲要頂住對方左翼既部隊而死傷慘重, 好在我左翼既優勢慢慢擴大, 亦都開始集中火力攻擊佢既主陣。 結果佢個將軍被逼離開前線, 想繞到我左翼既砲兵後面, 我見咁好情勢, 砲兵即換上葡萄彈, 喺佢將軍向我砲兵衝鋒時, 美妙既一刻出現, 伴隨將軍既護衛同埋將軍一齊變成蜜蜂竇。