我基本上未試過搵 job agent 幫我搵工, 基本上見佢係 job agent 都唔想 submit 資料俾佢, 不過對 job agent d 蠱惑野略有所聞, 特別係畸形政府既外判制度下依d job agent 食水可以好深, 所以蓬勃起來。 以下係網上一位ching 經 job agent 搵工既經歷, 可以見到 agent 點樣壓價,

出處:

http://forum1.hkgolden.com/view.aspx?type=BW&message=1752945&page=1&highlight_id=0

我失業快1年, 失業前響建築公司用 autocad 做 draftsman 繪圖繪圖繪圖
繪左年幾, 但由於對繪圖冇興趣, 想做返 i.t. 人 (我有 high dip on network & ccna, 但 i.t. 0 exp)
其實已經冇搵工好幾個月, 個市咁淡, 上個月有 agent(公司a) 無啦啦打電話黎, 話有政府部門外判 job, 5 days work, 需要識 support 同識 autocad 問我有冇興趣, 咁梗有格
但目前未知邊一區上班, 佢問我 expect 幾$ 我答 9k
過幾日佢打返電話黎話原來上班地點係機場:o) (我住港島東)
咁我話機場的話, 人工要多好多先掂, 9k 一定唔掂, 要11k
份工點解要識 autocad 係因為需要support d autocad user (聽落好合理)
再過幾日 (公司b) 要求我 phone interview, 呢一刻我先知不妙
原來個 flow 係咁, 政府部門 -> 公司b -> 公司a -> 我, 嘩, 判上判上判
phone interview (公司b) 條友都強調, i.t. support 係佔工作量為主, autocad 就算真係落手要你畫, 都好少可
跟住 b條友開始低b, 話: transport allowance 方面我地比唔到1k 你, 唔知500 有冇問題? 你當初開9k, 而家即係 9500
我一句答埋去 : 9500? 9500 我唔做架! 我住港島東呀
b: 咁你最少要幾多?
我: 11k
b: 哈~ 11? 你有廿幾個競爭對手呀, 況且11, 果邊都未必會接個tender 啦(:o) x2036 果邊接唔接你個tender 關我9 事)
b: 咁啦, 我幫你寫10k 啦, 寫左過去果邊岩既先到時再傾啦, 有得傾既有得傾既
(我果刻都費事理佢, 哦完就算, 因為你又要問, 我又答左你11係我minimum, 你又要賴皮)

又過幾日, b 直接打電話黎話政府公司想叫我去 airport interview, 問我幾點方便
我為左方便收左股市先出發我話5pm, 再過一陣佢打電話黎
b: 5pm 果邊已經冇問題架喇, 約好左, 不過我想提下你就係, 由於唔係上落班時間, 所以d 巴士係唔兜入去果度, 你要先搭a12, 再轉e22, 再轉s1 先會到, 如果上落班時間, a12 會兜埋入去一程過 (佢老味一早又唔講, 果刻我已經暗屌:o) )
由於有的是時間, 所以最後都入左去 interview, 搭 mtr 去東涌站轉s1
有3個人 in 我, 佢地人就冇問題, 不過乜柒都唔清楚
我問佢, 我工作個 team 人會有幾多人到? 了解下規模啦
佢地就 : 你邊team 架? 係咪你果team?
下? 冇理由係我果team 囉, 你地team 出錢請人, 邊有理由會under 我果team, 點出公數呀大佬
左射右射最後得個拮
mainpoint 黎:
我問佢我工作性質係乜
佢地: 你? 幫手畫圖囉~
我: 下? 乜唔係support user 咩?
佢地: 唔係~ 畫圖~ 幫我手畫圖~ 因為有個project 趕緊, 有好多圖要畫我畫唔切, 你幫我手
我: 但b 果邊唔係咁講個喎
佢地: 係~ support 係有, 但間唔中, 響批圖未起貨之前你都係畫圖架喇, 之後先至可能… 久唔久有d 同事部機壞左, 你咪去幫下手囉 (我心諗咁咪即係打雜?)

我真係非常唔滿意個 job nature, 因為我真係唔想繪圖
之後反映返比 (公司a) 個agent 聽
又過幾日
b 條友又打黎話, 果邊冇問題, 想叫你6月22號上班
我: 咁人工幾多?
b: 咪….10k 囉

我考慮完 reject 左, 我住港島東, 冇必要山長水遠走入機場, 竟然係做繪圖
(初初諗住係 support 我就叫捱半年, 整靚張cv方便跳槽+ 學下野)

本來已經告一段落
尋日公司a, 有另一個agent 打電話黎, 竟然叫我再考慮多次
我 : 咁人工幾多?
另1個a : 10k 囉, 其實呢而家出面 xxxxxxx (講埋d 廢話出口術)
好啦, 我考慮下啦下

你估我唔知咩, 佢地agent 要我accept offer 佢地先有錢收架嘛
同埋我唔明, 人工又唔加, 乜柒都冇變, 我仲有乜9好考慮多一次?
佢連最唔應該講果句都講埋: 果便呢, d 圖好趕, 想拿拿林有人幫手畫左佢…(咁我咪即係要預左一返工就執人d 蘇州屎?)

最令我唔滿意就係, 我 interview 間公司個條友已經答到實牙實齒話我係繪圖
個 b + 另1個a, 都不斷講大話死兜, 話其實都有support 成份架, 50/50% 架咋
(仲想呃我? 當我3歲細路哥咩)

咁今日, 另1個a 又打黎問我考慮成點
我話唔啦, 唔好喇~
哈~ 你知唔知佢串咀喎
佢: 咁冇工岩你架喇, 你都冇經驗
我: 哦, 咁唔緊要丫~

點知~ 過左粒幾鐘~ 佢又打黎

佢: 我地個客呢, 就話加多你五百蚊, 咁唔知你又會唔會考慮呢?
我: 我心諗 (屌你咩五舊水) 答 : 下? 唔架喇, 唔喇~

完

好撚戇尻囉~ 1間agent 已經食水, 仲要2間agent, 每一間都要抽d 水
當中兩個 agent 都古古惑惑冇句真, 務求係想我accept 左個offer 佢地收到錢就得
仲要好似街市講價咁, 一開始叫我重新考慮果陣 1蚊都唔加, 我再 reject 多獲先至話加500蚊~ 但我由一開始已經講, 我係expect 11k
因為遠 + 公作性質根本唔係我想做, 所以我呢個時勢都係 reject 左個 offer