早排等人時經過書店, 一入門口見到本書書名幾吸引, 大約講作者以性格特質去既心理學角度嚟分析歷史人物, 仲要係某大學既社會學教授。
於是我手痕拎黎睇下, 但係睇左幾十頁就頂唔住, 作者似乎對歷史冇乜認識, 只喺將責任推委到個人性格上, 例如佢將三國時代名相諸葛亮同魏延既矛盾衝突, 歸咎於兩人既性格不合…
公司仔的確係有性格不合既人事野, 講下是非、埋下堆, 最多都係逼到人冇面或者辭工, 但古代一到政治層面就係一個你死我活既鬥爭, 鬥輸左就人頭落地。 當外在威脅唔大時就自然內鬥爭權, 諸葛亮同魏延實際上根本就係文官派和武官派鬥爭, 理得你性格隨和定係剛烈, 為左自己既政治理念同利益就要鬥過你死我活架啦。之後佢又舉出楊儀和魏賢不和, 楊儀同樣係諸葛亮既文官派, 就算佢幾友善幾 nice 都好, 未又係一樣要鬥。
或者, 錯在我, 我要求太高, 睇書應該係將知識 “灌輸入腦”。
