用開 Linux, 實在太多好用同慣用既 command, 所以成日都諗裝返個 Virtual machine 喺部 Windows 度。 之但係用開既虛擬主機 VMware 好大舊, boot 得起黎都蚊訓, 特別係 VMware轉咗 web-base之後, 對我依類喺 local 行 linux 既用家變得麻煩, 次次用之前都要入佢個 web interface 等一大餐, 本身 VMware 大舊之餘仲要加個 tomcat web server, 雖然我有 3GB RAM 都唔覺得划算。
andLinux 係用黎 Windows 入面用 coLinux emulate Linux, 再加埋 Xming 可以喺 Windows 度直接行 KDE 既 application, 感覺同 parallel 咁喺 Mac OS 度行 Windows 既 program 一樣:
因為用 Debian / Ubuntu, 所以可以直接用 apt-get 嚟 download package, 而且 andLinux emulate 唔駛 compile 做 exe, 比起 cygwin 方便好多。
當然, 佢 hardware supports 方面唔及 Parallels Desktop 齊全, 而同好多Linux 既 desktop program, 例如 GIMP, Blender, OpenOffice, 都有 port 去 Windows, 所以實用性唔算太大, 但可以好簡便咁 boot 起個 linux 然後玩 command, 對我或者 Linux 愛好者方便百倍!
開完 andLinux 個 kde root console, 發覺冇 whois 同 nslookup, 於是乎:
# apt-get install whois
# apt-get install dnsutils
# apt-get install nmap
試下 smbmount
# smbmount //192.168.1.100/test /mnt/test -o user=neo
得左
paste text 去 KDE application 成功, 之但係 copy 返出黎可能 encoding 問題亂碼, 不過夫復何求~
睇返個 memory usage, 加加埋埋都唔過 10MB, 哇哈哈!!!
