五區總辭變相公投, 原先中港兩地都冇乜人敢提公投兩字, 基本上一般香港巿民諗極都唔明幾個議員辭職同公投有乜關係, 就算嗰幾個議員辭職選到選唔到都冇乜幾多人認為公投發生過。
突然有一日, 國務院港澳事務辦公室無啦啦有個聰明人唔知邊度見到公投兩隻字, 偉大既中國官僚體系立即發火, 結果五區總辭就同公投正式拉上關係, 香港保皇派亦隨聲附和。
有句成語叫三人成虎, 一個人話城裡面有老虎冇人信, 三個人講就開始有人信。 今次所謂既公投毒果同社民連日日講都冇人理, 點知一兩個天才就攪得掂。可能諗公投依條橋既一早明白大陸有班咁既天才, 勁。
