尋晚估中左加納贏美國, 雖然我冇賭波, 但同朋友牙較戰就贏左餐飯。
估加納既原因好簡單, 雖然實力略遜一籌美國, 但係依隊波個人能力強, 有時神經刀估佢唔到, 靠球運贏, 所以搏餐飯係搏得過。而且後場係咁多隊非洲隊中最好, 雖然好多機會俾美國突破, 但至少相對其他非洲隊冇俾出咁多機會。
講返今晚, 我本身係捧德國, 奈何小組除左第一場比較悅目, 之後兩場成隊波踢得仲衰過英格蘭, 雖然第二場球証發球瘟情有可原。 反而英格蘭小組冇乜表玩, 但中場同後場打得唔錯, 相信有能力瓦解德國既攻勢, 特別係德國右路應該寸步難行, 如果英蘭格能夠把握機會, 90分鐘內領先德國唔係問題。
結果, 英格蘭踢得很爛, 哈哈哈!