Chromium 即係 Chrome 既 open source 版, Google 拎住 Chromium 作出修改同埋測試之後就會改名做 Chrome 發佈。所以基本功能上兩者係冇分別,  如果係網絡潮人下下要用最新既軟件, 梗係要用 Chromium, 雖然 Google Chrome 出左 6 既 beta 版, 但係 Chromium 每個星期都有新版既 6.0出, 而且冇俾 Google 改過之下, 唔會有 tracking token.

仲有就係 Chromium 可以自己 build, 修改甚至將你自己既 code 掟上去, 依個 Chromium 係我自己 build。Build 既過程唔難, 要注意既係 Debug build 既話就要多d swap 或者 ram, 至於 disk space 預佢 at least 32GB。

對於我黎講 open source 同埋自己 build 係幾重要。 有d feature 例如我想 hide HTTP_REFERER, 唔經第三方 redirect 網站都可以唔出HTTP_REFERER, 好多時我喺d 網站後台/控制台要去競爭對手既網站, hide 左 HTTP_REFERER 就唔會咁容易俾人察覺。好似 Chroium 咁既open source software, 想要有咁既 feature 我可以去修改個 source。今次 hide HTTP_REFERER, 喺我嘗試修改既途中,發現原來 Chromium 本身有 no-referrers 依個 switch, 咁即係唔駛改 code 都可以 hide HTTP_REFERER, 結果經 SVN 就知由邊個版本開始有依個switch, 咁 Chrome 對應 Chromium 即係話依個 switch 都可以用,  你話方唔方便。