腦功仔個Blog » 腦功點睇

奇怪的書

腦功仔 — Tue, 15 Sep 2009 14:59:08 +0000

早排等人時經過書店, 一入門口見到本書書名幾吸引, 大約講作者以性格特質去既心理學角度嚟分析歷史人物, 仲要係某大學既社會學教授。

於是我手痕拎黎睇下, 但係睇左幾十頁就頂唔住, 作者似乎對歷史冇乜認識, 只喺將責任推委到個人性格上, 例如佢將三國時代名相諸葛亮同魏延既矛盾衝突, 歸咎於兩人既性格不合…

公司仔的確係有性格不合既人事野, 講下是非、埋下堆, 最多都係逼到人冇面或者辭工, 但古代一到政治層面就係一個你死我活既鬥爭, 鬥輸左就人頭落地。當外在威脅唔大時就自然內鬥爭權, 諸葛亮同魏延實際上根本就係文官派和武官派鬥爭, 理得你性格隨和定係剛烈, 為左自己既政治理念同利益就要鬥過你死我活架啦。之後佢又舉出楊儀和魏賢不和, 楊儀同樣係諸葛亮既文官派, 就算佢幾友善幾 nice 都好, 未又係一樣要鬥。

或者, 錯在我, 我要求太高, 睇書應該係將知識 “灌輸入腦”。

很正的評論

腦功仔 — Tue, 13 May 2008 16:30:02 +0000

睇開吳淡如既誰都會說我愛你既書評,

在很年輕的時候，我以為愛是簡單的，性是複雜的；
到現在，我有了完全不同的體會，原來性是很簡單的，像一條晾衣繩；
而愛卻像被貓搞得找不到線頭的毛線球。

越老越辣的音樂

腦功仔 — Fri, 02 May 2008 22:23:42 +0000

1965年既佢, 很傻很天真, 音樂充滿曈景同浪漫, 偶爾帶點熱情:

2004年既佢, 充滿勁度, 佢唔係低俗咁將 Flamenca cross-over Jazz, 而係將 Jazz 帶到熾熱既撒哈拉沙漠嚟 BBQ:

早幾日睇左套陳年日本舊戲《情書》

腦功仔 — Thu, 27 Mar 2008 11:51:00 +0000

同我既往事差唔多, 不過我故事個女主角應該在生, 只不過好耐聯絡, 雖然我地個名唔相同, 不過我依然記得…同佢分開之後冇主動搵佢, 要搵佢我估都唔難, 不過緣份, 唉, 況且佢都未必接受我既改變吧, 而家都肥左咁多。

香港西班牙烏蠅

腦功仔 — Thu, 14 Feb 2008 12:54:30 +0000

大家睇周星馳電影都記得有幕有個單眼佬賣西班牙烏蠅依隻春藥俾周星馳, 然後周星馳俾劉德華食,結果劉德華係咁攪關芝琳。

原來西班牙烏蠅係真有其物, 而且仲係用作春藥, 睇下wiki,

斑蝥或稱斑蟊、斑貓[1]，坊間稱之西班牙蒼蠅（粵語：西班牙烏蠅；英語：Spanish fly；學名：Lytta vesicatoria…

而藥效方面…

1572年，法國外科學醫生巴雷（Ambroise Paré）曾記錄了一位男子服用一定份量的蕁麻（nettle）和斑蟊後，出現一種「最可怕的淫亂症」

你話勁唔勁?

其實香港都有同樣藥效既西班牙烏蠅, 根據 Food in China: Acultural and Historical Inquiry 第333頁 49項:

There were, however, species of blister bettles in India an Chian which whre excellent substitutes [of Lytta vesicatoria], with Mylabris cichorii of India and China containing more cantharidia and being a more powerful vesicatory agent than L. vesicatoria of Europe.

原來仲多藥效成份過西班牙烏蠅, 亦因為咁, 毒性太強, 所以中國人拎左黎做臭彈武器。

但係注意, 西班牙烏蠅易於超出有效劑量，使用時有一定的危險。服用斑蟊後，會出發熱、排尿疼痛，甚至血尿等徵狀，而且可能對腎臟和生殖器造成永久損害。該成份毒性極大，曾引起許多中毒死亡的案例。

入行指南: IT vs 裝修 vs 性服務

腦功仔 — Wed, 19 Dec 2007 15:05:25 +0000

IT	裝修	性服務
你同個客講解, 個客會問你乜唔係識飛咩, 堅持自己既做法, 衰左就唔負責	你同個客講咁裝修唔得, 個客都會聽, 如果唔係有乜漏水牆裂, 都係個客自己受	唔駛教個客點做, 個客都識做
你做到死死下都冇人理你感受, 總之個 project 完唔到就係你既問題, 而個 project 幾時完, 就視乎個客有冇新要求。完左之後, 就算個客點糟質個 application 而出現問題, 都係你既問題。		你可以好似條死魚咁, 只要個客出完火, 你個任務就完成。就算糟質你, 都有完既一刻。
多數既客都認為 IT 野好易, 一陣間攪掂, 所以任何野都應該好平	人工視乎你點呃個客	樣貌身材先決

好戲: 落葉歸根

腦功仔 — Mon, 17 Dec 2007 15:47:31 +0000

好多人都會被依套戲既主角既決心所感動, 當中笑中有淚令人更深刻, 不過其實依d 只係套戲既外表, 要欣賞內心就要去欣賞當中既黑色幽默。

注意: 以下含劇情, 建議觀看後才閱讀

提起黑色幽默, 可能有人會聯想到老趙救左成車人, 但係冇人有半句多謝之餘仲要趕佢落車。而我就會想起尾斷一幕, 老趙背著屍體, 身邊的車從他身邊駛過, 一對一對車上的眼睛, 有疑惑、有同情, 但除了入世未深的學童, 絕少有人會申出同情之手。到最後車輛因山泥倒塌而停下, 老趙繼續向前, 人們亦之前同樣眼光投向老趙, 但沒有人會嘗試去關心他

有個影評寫道:

张扬的导演功力远不及大导演 Tommy Lee Jones，《艾斯卡达的三次葬礼》充满了人性的救赎，而在《落叶归根》中将现实的黑暗放大化了。同样是出于友情，同样是为了一句承诺，同样是带着尸体上路，为什么要千里背尸回家

那位先生認為導演將內地的黑暗面擴大誇張, 可能他活在幸福之中, 對民工苦況不聞不問, 又或者因為消息封鎖而矇閉。相反, 我認為片中公安表現"異常"地好, 因為未夠黑暗, 可能因應內地的評審, 所以任何反映內地公職人員貪腐的現實情節, 一律消失。公安會私下拿四百多元來幫人, 更會千里迢迢幫一個無權無勢的人達成心願 , 令一個清楚國情的人難以置信。或者, 這是對國內的評審制度的諷刺吧, 這也是那位先生認同的。

我點解唔買高清電視

腦功仔 — Sun, 02 Dec 2007 14:33:06 +0000

除左價錢問題外 (37" 高清 1080p 貴標清 720 大約 HKD 2,000), 另一個原因就係有時太清睇依個現實既世界唔係咁好, 左圖細細張冇問題, 幾靚女, 但係只要你 click 左圖黎睇下高清下既效果…

即刻見到塊面一粒粒, 係唔係有d 恐怖呢…

所以唔係越清越好。

我不抄股的原因

腦功仔 — Tue, 13 Nov 2007 14:12:51 +0000

比我有更多時間同資源可以投放係投資巿場既人多的是, 我眼光會比佢地好? 又唔見得。所以要俾依班人優勝, 就只有靠運氣。自問運氣又唔係特別好, 所以都係唔好買股票吧。

如果唔係, 就要本住層壓式傳銷既心態:「總有人比我蠢」, 即係個巿有大把羊黎排隊填抗。我本身極反對層壓式傳銷, 所以又唔喜歡咁入巿法, 所以抄股都係唔適合我。

已故名評馬人董標【人生篇】

腦功仔 — Thu, 01 Nov 2007 09:36:33 +0000

急事，要慢慢講。
大事，要清楚的講。
小事，可幽默的講。
無把握的事，要謹慎地講。
無發生的事，不要亂講。
做不到的事，別隨便講。
傷害人的事，不能講。
討厭的事，小心地講。
開心的事，睇場合講。
傷心的事，不要見人就講。
別人的事，最好唔講。
自己的事，聽聽自己的心怎樣講。
現在的事，做了再講。
未來的事，未來再講。
如果對我有不滿意的地方，請一定要對我講。
樂不可極，樂極生悲。
不勞而獲無道理，勞而不獲無天理。
交一友要千言萬語，失一友只三言兩語。
富貴如浮雲，得失不須記。