我每食完一碟火腩飯之後都會同我女朋友講分手
因為我知道, 佢已經唔再明白我

佢唔知道我o係茶記所經歷過既有幾多

佢問我食乜, 我真係唔想答佢
日本野? 秦國野? 真係敷淺
究竟我仲可以繼續忍受自己既伴侶將d生既肉放入口
每舊火腩都經過紅紅烈火，百度高溫
係經過歷煉, 係經過漫長既試鍊
每一舊都有佢既歷史，佢既故事
魚生究竟有d乜? 根本就好似d白痴港女咁, 一無所知, 戇鳩鳩, 生勾勾

我恨我既人生唔可以好似火腩
搵到咁多好既伴侶, 豆腐, 涼瓜, 冬瓜, 枝竹..各有特色
亦搵唔到咁多知音人,

有時侯, 我自己一個坐o係茶記食火腩飯
我覺得自己係孤獨, 我覺得呢個世界係冇人明白我
我叫左枝青島, 我望住杯入面黃色既啤酒
我望唔透, 我望唔清究竟呢個世界仲有幾多野我係掌握到
我好迷茫

我離開間茶記, 我俾錢既時候發覺有個OL食緊枝竹火腩飯
我望住佢, 佢望住我
我地互相點點頭
我好感動, 原來呢個世界仲有人係同我有相同既諗法
我忍住淚水
走出茶記, 點起支煙,
頭都冇回就走返屋企
或者個OL會問, 點解我放棄呢一段咁難得既姻緣

我唔知道
o係呢一刻
我覺得我係一個浪子

如果含菌數量是 35000000, 便不用 X (乘號), 寫 350⁶便可以, 多少個0永遠是跟0的。

首先四川西南醫院我唔知佢指邊間, 佢所指既全軍感染研究所或者係抄標籤時炒錯吧, 應該係指第三軍醫大學西南醫院既全軍感染病研究所。

第二, 10¹⁰ 等於 10既 10次方, 除非佢使用極偏僻地方數學語言。

第三, 350⁶ 唔等於 35,000,000 , 350⁶ 係等於 1,838,265,625,000,000 , 去中學問d 冇索K 有計數機既學生正常會咁答你。

第四 0.35 X 10⁶ 唔等於 35,000,000 , 0.35 X 10⁶ 係等於 350,000 , 就算佢問邊間研究所都好, 一百個有九十九個都會咁答佢。

不過, 有時網友話人之餘都未必清楚, 雖然 0.35 X 10⁶ 既 scientific notation 係 3.5 X 10⁵, 但 0.35 X 10⁶既 engineering notation 寫法係生物及化學界係比較常用, 道理同寫銀碼每三個零加一個逗號差唔多, 因為量度時單位通常都係以千上落。

以下為香港勇士之測試片段:

乜野技術含量扼殺自由亂Q咁 block 抄其他軟件我今次唔講, 反而想講下軟件個英文名 — Green Dam Youth Escort, 大陸出d 軟件乜都叫自己綠色軟件, 就算有木馬都咁叫, 不過 Green 亦可以係外國人姓氏之一, 譯作格林。 Dam 讀音似 Damn, 即係詛咒, 而 youth escort 呢, 只要你打開 Playboy 就會見到好多 girl escort 即係美女伴遊。 所以 Green dam[ns] youth escort 依個名真係絕, 格林詛咒青年伴遊, 可以攪到網上青年援交受到外國人詛咒, 問你服唔服?

屯門發生打劫傷人案一女子受傷
【06:19】2009年06月19日

清晨5時45分，一名20餘歲女子行經屯門盈豐園鳴琴路行人路時，突被一名青年用硬物從後襲擊打劫，女事主頭破血流負傷反抗，並無損失，疑匪見事敗隨即四散逃走，警員接報趕至，在附近兜截疑人惜無果，召救護車將女傷者送院治理。

一名青年打劫, 事敗後可以四散! 遁走就聽得多, 但係用火影忍者入面既多重影分身術嚟逃走就真係第一次。 亂黎程度唔係對中文認識唔深咁簡單, 係完全係缺乏邏輯思考, 簡單d 講, 即係唔經大腦。 聽人話人「講野唔經大腦」聽得多, 而家寫野都唔經大腦, 問你服未。所以我不得不承認我個標題用得唔正確, 寫既人唔係中文差咁簡單。

好多人都記得政府會請一大班人做上網指導員, 教導大家正確上網既方法, 相信依個助理處長就係用一半既上班時間搵依d 鹹網黎 block 晒佢, 等班上網指導員可以順利指導。佢返工既另一半時間處理睇完鹹網既衝擊既話, 大家亦情有可原。

至於依個咁艱辛既任務點解要由環保處承擔? 因為減少大家睇鹹網之後, 相信使用紙巾既數量亦相對減少, 對環保有極大貢獻。至於點解鹹網同紙巾使用量有關係, 問下 OGC 一族吧。

奉腦功仔喻, 如果你係宮崎駿 fan 屎, 就唔好下載。如果你想睇翻版, 只要年三十晚睇無線就多數有得崖上的欣宜。

小時候所住的地方規劃較亂, 有士多開在大厦內, 每次回家都會經過, 士多老細都几錫我, 所以通常一見我回家, 就打開一罐ニ 罐的零食, 要我自己抓一把, 免費的!!
但我通常沒任何動作, 而佢經過几次邀請之後, 又通常親自抓一大把放入我褲袋中,
次次都係咁, 有次阿媽問 “點解咁被動唔自己攞呢?”
我答 “我的手比較細, 佢隻手大咁多, 一定比我自己攞多好多的!!”
識點借助別人優勢, 不單係謙卑, 更是一种智慧! 話雖簡單, 但唔係人人做到。
長大後, 我清楚亦真心承認巴菲特隻手大過我好多, 所以我樂意讓他為我抓糖

對d冇乜腦既人黎講好似好有道理, 聽聞仲拎編野黎出書。

不過編野近來比人踢爆炒卡內基, 好心佢改都改得好d, 合邏輯d, 人地卡內基細個時候窮著大人衫, 先可以有咁大個衫袋裝糖, 佢當佢自己細個時著滑板仔潮褲咩。

而且我唔知個老細男定女啦, 男既就真係希望個老細唔係兼職神父, 如果係既話個老細辛苦踎低起勢咁塞糖入去佢狹少既褲袋, 而家回憶返分分鐘當兒童性侵犯有得賠呢。

卡耐基故事原文:

美國實業家卡內基小的時候，有一天跟著母親到市場去，走到一處水果攤前，卡內基停了下來，眼睛直望著一籃櫻桃．這時，老闆看見這個可愛的小男孩．便說了：「小弟弟，抓一把去吃，不要錢的…」卡內基猶豫了一下，並沒有伸出手去拿櫻桃…．「小弟弟，你不喜歡櫻桃嗎？」老闆問卡內基．「不！我很喜歡櫻桃！」卡內基回答說．「那就抓一把去，不收你的錢！」老闆說道．「老闆對你這麼好，你就拿一把吧．」卡內基的母親也那麼說，不過卡內基仍然沒有伸出手去．這時老闆反而覺得很不好意思，匆匆抓了一把櫻桃塞在卡內基的口袋裡，說道：「去吧！小弟弟！」卡內基很歡喜的跟著母親走了．回家的路上，母親疑惑的問卡內基：「剛才老闆對你那麼好，你怎麼不去拿呢？」卡內基回答說：「可是老闆的手比較大啊！」

• 娛樂大事: 過年又有閃卡續集!
• 娛樂大事: 關心妍搶完關菊英個獎之後, 關淑宜搶關心妍個獎
• 國際大事: 美國及以色列先進戰機採用臭彈取代炸彈, 為世界和平減少超級武器踏出第一步
• 國際大事: 世界各地女性港女化, 引發各地騷亂, 成為全球”去港女化”既序幕
• 經濟大事: 美國引入中國造假技術, 進一步加速印製美國國債, 恢復全球經濟
• 經濟大事: 美股年尾升破 20,000 點, 帶動港股升破 40,000點
• 政治大事: 中國大陸實行後現代化, 要求香港特首可以全民直選, 提名亦不需中央通過
• 科技大事: 利用泡沫核融合技術, 全球共同開始計劃建造第一座核融合發電廠, 好過搞泡沫經濟啦
• 體育大事: 倫敦奧運籌備委員會宣布俾馬多夫呃晒d 錢要破產, 結果2012 奧運個波又交返俾北京, 劉翔有機拎金牌
• 特殊大事: 本人同時中世界各地鉅額獎金的彩票